Кажи ни нешто повеќе за себе, кои се твоите интереси, кое е твоето хоби?
Јас сум Симона, повеќето ќе ме поврзат со спорт, али од мала ја носам и уметноста во мене, од тами и архитектурата како образование. Така може да претпоставите, хоби ми е секој спорт со топка, до движење во природа, планинарење, точак, пливање, прошетки со кучето.
Каква архитектура најмногу ти се допаѓа?Што мислиш за македонската?
Па не знам дали од самата реченица, дека архитектурата е наука за иднината, во глобала сакам современа уметност, не дека не се воодушевувам на историските дела, али секогаш појдувам од моја точка на гледање, така да јас би избрала моментално движење, создавање, модерно.
За Македонската искрено не се приврзувам многу, би ги извдоила куќите во Галичник (масивен камен), дрво(чардаци), рашкос во просториите, кој е воедно за мене едно од поубавите места воопшто што сум ги посетила.
Која е твојата цел на личен и професионален план?
Мојата цел, не е цел, повеќе е став, да се надоградувам себе секојдневно, да го работам тоа што ме исполнува, да се инспирирам, да инспирирам други, да ја оживувам креативноста и да се фокусирам кон зацртаните работи.
Како еволвира твојата работа со текот на времето?
Мојата работа, е сочинета од драстични осцилации, од желба за учење до тотално губење надеж, од отварање свој бизнис, до желба за менување на струка.
Кој е твојот проект од соништата?
Мој проект, нема да размислувам многу, тоа е моментален, мапирање на отворени кошаркарски игралишта и илустрирање на уметност на истите, каде преку урбана црта ќе се допринесе за заживување на спортот и културата, тоа е на кратко, нешто слично се има реализирано во Лисабон.
Како Revit ти помогна во твојот професионален развој?
Со Revit се запознавам пред 1 година, благодарејќи на моменталната фирма каде што работам, чиј фокус е претежно Европа, а и пошироко.
Започнав преку работа директно на проект, 1 месец со помош од колешка на работа, и за 1-2 месеци веќе се осеќав како да го работам одамна. Ми отвори нови перспективи, реално ме спаси од напорна неисполнувачка работа. За брзо време можеш да си го видиш делото што си го започнал, а не да заглавиш на технички работи со многу губење време. Бидејќи додека го работиш покрај 2д планот паралелно се развива и 3д планот, има најразлични плугинзи за рендери и исто така на рендерите се заштедува големо време а квалитетот е сличен.
Кои други софтвери ги користиш при работа на твоите проекти.
Autocad, Photoshop, 3dmax
ЗАПИШИ СЕ НА НАШИТЕ ОБУКИ ЗА REVIT BIM И RHINO + GRASSHOPPER И СОВЛАДАЈ ГИ НАЈБАРАНИТЕ СОФТВЕРИ ВО ИНДУСТРИЈАТА!
