Мила, кажи ни нешто повеќе за себе, кои се твоите интереси, кое е твоето хоби?
По професија сум архитект и моите главни хобиња се сведуваат на три збора: архитектура, фотографија и техно.
Која е позадината и што те инспирира да го работиш тоа што го работиш?
Мојата страст кон архитектурата потекнува од желбата да на креативен начин влијаам на квалитетот на животот на луѓето. Верувам дека секој дизајн директно влијае на корисникот.
Каква архитектура најмногу ти се допаѓа? Што мислиш за македонската?
Секој архитектонски стил си има своја убавина и позадина. Мене што ме инспирира и фасцинира е италијанскиот пристап кон спој од реставрација на важни историски градби со современа архитектура.
Можам да кажам дека сум пристрасна по ова прашање, но и македонската староградска архитектура си носи некоја посебна убавина и автентичност и говори за едно поинакво време.
Која е твојата цел на личен и професионален план?
Мојата цел на личен и на професионален план е никогаш да не престанувам да учам и осознавам за себе но и за мојата професија, и тоа стекнато знаење да го претворам во добри дела.
Како еволвираат твоите проекти со текот на времето?
Кога ќе се навратам на моето прво портфолио и на моите први проекти и ги споредам со она што го работам денеска, можам да кажам дека еволуцијата е поголема од што некогаш би очекувала. Секој нов проект е ново искуство и можност за раст и поминување низ препреки.
Кој е твојот проект од соништата?
Не сум размислувала на ова тема, но отсекогаш ме интригирала идејата за утописка архитектура, архитектура за сите.
Како Rhino ти помогна во твојот професионален развој?
Rhino го имам користено во бироата каде што имам работено во Италија, Данска и сега во Холандија и можам да кажам дека сум презадоволна од начинот на кој функционира, посебно поради тоа што е многу интуитивен софтвер. Ми има помогнато во мојот професионален развој поради тоа што нуди огромни дизајнерски способности.
Дали мислиш дека софтвер каков што е Rhino може да ја поттикне креативноста?
Сметам дека Rhino дефинитивно може да ја поттикне креативноста.
Кои други софтвери ги користиш при работа на твоите проекти?
При работа на моите проекти, најмногу користам Rhino, Enscape, V-Ray, Photoshop, Illustrator, InDesign.
Она што е најважно за секој напредок е желбата и страста кон архитектурата што нè води напред. Останатото се алатки кои ни помагаат полесно да стигнеме до таа цел.
ЗАПИШИ СЕ НА НАШИТЕ ОБУКИ ЗА REVIT BIM И RHINO + GRASSHOPPER И СОВЛАДАЈ ГИ НАЈБАРАНИТЕ СОФТВЕРИ ВО ИНДУСТРИЈАТА!
