Карла Фотевски студира архитектура во Загреб, а истовремено е наша студентка која ја посетуваше обуката за Photoshop.
Со неа поразговаравме за тоа што ја мотивира да напредува, кои се нејзините омилени архитекти, а од нејзиниот проект можеме да заклучиме дека се работи за навистина креативна и просперитетна архитектка.
Карла, кажи ни нешто повеќе за себе, со што се занимаваш, кои се твоите интереси?
Студирам во Загреб каде што сфатив колку посериозно треба да се посветам на изучувањето на архитектурата од секој аспект. Иако сè уште не сум сигурна дали би работела во струката мислам дека ми помага во откривање нови погледи и надоградување на креативноста.
Што е тоа што те мотивира да учиш и напредуваш?
Финалниот резултат на проекти, а и трудот никогаш не е залуден.
Омилени архитекти (домашни и странски)?
Aalto, Rem, SANAA, Bogdan Budimirov, Константиновски, Zumthor…
Зошто избра да го изучуваш Photoshop?
Ми беше потребно за изработување проекти за факултет и секако имав желба да научам уште еден корисен програм.
Кои од алатките во Photoshop ги користиш најчесто?
Можеби наједноставните како select colour range, transform, magic wand, noise filter, креирање текстури итн.
На кој друг начин се едуцираш и го надополнуваш твоето знаење во полето на архитектурата?
Изучување теориски текстови на архитекти, учење софтвери, патување.
Дали учењето на Photoshop ти помогна во твојот кариерен развој?
Да, можам да кажам дека делот кога едитирам со Photoshop ми е и омилен дел од создавањето проекти и ми помага во креативното изразување.
Запиши се и ти на обуката за архитектонски цртеж со користење на Photoshop + изработка на архитектонско портфолио.