Кажи ни нешто повеќе за себе, со што се занимаваш, кои се твоите интереси?
Студент на архитектура, главно моето време е ориентирано според обврските на факултет кои се доста обемни и не останува многу време за други активности. Сепак се трудам да издвојувам време посветено за мене и моите најблиски како вежбање, дружење, прошетка со миленикот итн. Исто така изработувам и други проекти вон факултетот, како правење 3д визуелизации, изготвување на основни проекти и слично.
Што те мотивира да учиш постојано?
Ме мотивира пред се знаењето кое што ќе го добијам и способностите стекнати за време на факултет, кои ќе ми помогнат да се изградам како еден иден сериозен и одговорен архитект.
Зошто го одбра 3Ds Max + Vray?
Го одбрав бидејќи е еден од најдобрите софтвери за правење рендери и 3д визуелизации и е еден од најбараните софтвери на домашна и светска сцена. А еден ден се надевам дека и би заработувала од него.
На кој друг начин се едуцираш и го надополнуваш твоето знаење во полето на архитектурата?
Постојано следење на новите трендови на градби низ порталите за градежништво и архитектура, преку анализирање фотографии, истражување во однос на материјали достапни на нашиот пазар, искуства од постари колеги, како и одење на терен и согледување на работите од практична гледна точка.
Што ти беше најинтересно на обуката, а што беше најголем предизвик да се совлада?
Највозбудливо беше излегувањето на првите рендери на новиот софтвер, бидејќи реално очекувам многу од него. Предизвик беше се да се совлада, со оглед на тоа дека и мала грешка може да те чини многу.
Омилени архитекти (домашни и странски)?
Ѓорги Константиновски, Славко Брезоски, Заха Хадид, Рензо Пиано, Рем Колхас.
