Интервју со Јована јаневска
Кажи ни нешто повеќе за себе, со што се занимаваш, кои се твоите интереси?
Оваа година ги завршувам студиите по архитектура, а до тогаш посветена сум на изготвување на магистерскиот проект. Некои од моите интереси покрај архитектурата се, дизајнот, уметноста, постојано напредување во креативното изразување и др.
Што те мотивира да учиш постојано?
Нешто што најмногу ме мотивира е постојаниот развој во секое поле, постојаното зголемување на критериумите и целите што се бараат во професијата, ценење на секој дополнителен труд и колку повеќе имаш знаење толку поголеми ти се шансите за успех и создавање на успешна кариера.
Зошто го одбра 3ds max + Vray?
Веќе подолго време сакав да ги научам 3ds max + vray и кога ја видов најавата за обуката знаев дека сега е вистинскиот момент, а дополнително е тоа што познавањето и користењето на овие софтверите се повеќе се бара и цени во професионалните сфери.
На кој друг начин се едуцираш и го надополнуваш твоето знаење во полето на архитектурата?
Потребно е постојано да се следат и изучуваат новите трендови во архитектурата и да се посвети доволно време и внимание во усовршување на нови вештини. Дополнително покрај своето стекнато образованите за архитектурата добро е да се следат светски познати архитекти затоа што сепак они се првите кои ги поставуваат правилата за успешно проектирање и никогаш не штети да се инспирираш од одлични архитекти и нивните проекти.
Што ти беше најинтересно на обуката, а што беше најголем предизвик да се совлада?
Дефинитивно нејинтересно беше и сеуште е откривањето на нови алатки, начини на користење и можности кои се отвараат со истите и потоа добивање на финален продукт кој не можеш да поверуваш дека е изработен за толку краток период од почетокот на обуката. Додека пак еден од предизвиците на почетокот беше изборот на материјали и нивната употреба, но кога тоа ќе се совлада следува предизвикот осветлување и како да се направи професионална визуализација на ентериер и негово усовршување во текот на работата.
Омилени архитекти (домашни и странски)?
Борис Чипан, Георги Константиновски, Јанко Константинов, Mies van der Rohe, Rem Koolhaas, Oscar Niemeyer и др.
