,,Амбицијата ме храни…знам да сум мрзелива кога се работи за нешто што не ме интересира или исполнува..едноставно монотонијата ме отепува” – Интервју со Искра Јовевска

Интервју со искра јовевска

Кажи ни нешто повеќе за себе, со што се занимаваш, кои се твоите интереси?

Студент на Архитектонски факултет во Скопје со положени испити и во процес на подготовка на Магистерски труд, за време на online наставата во изминатата година демонстратор на две катедри, за Нацртна геометрија во прва година и Општествени згради во трета година. Сум имала неколку проекти во текот на студирањето, а исто и тековни, ентериер но и екстериер (кон таму сум повеќе насочена), генерално станбена архитектура, викенд куќи, реконструкции, како и неколку угостителски објекти. Моментално се посветувам на магистерската која ми е голем залак и треба да ја одбранам некаде до летово…

Што те мотивира да учиш постојано?

Jaс. Амбицијата ме храни…знам да сум мрзелива кога се работи за нешто што не ме интересира или исполнува..едноставно монотонијата ме отепува. Желбата да се надоградувам ја имам од кога знам за себе..тоа ми го прави животот интересен и се надевам никогаш нема да западнам во некоја монотонија што ке ми ја убие креативноста.

Зошто го одбра 3ds max + Vray?

Бидејќи имам генерално познавање на повеќето софтвери кои ми требале до сега, почнувајќи од Аutocad, па Sketchup, Archicad, Revit..па и малку Photoshop i Lumion…Овој програм беше тоа што ми фалеше за да имам некаков ”full package” за понатамошна реализација на проекти..секако, проекти кои би изгледале професионално. За разлика од сите други софтвери, би ми овозможил мојата идеја да ја прикажам на начин најблизок до она што го имам замислено.

На кој друг начин се едуцираш и го надополнуваш твоето знаење во полето на архитектурата?

Па…со технологијата во денешно време, најмногу од Web страни и сајтови поврзани со архитектура…секако социјалните мрежи кои ми се 99% исполнети со архитектура…Книги кога имам време за трошење, што сега е потешко…Сум била на пракса во фирма за архитектура каде голема придобивка ми беше учење на друг програм, Revit..постојано сум во комуникација со други поискусни архитекти околу мене и најмногу ми влијае разменувањето на искуства и идеи.

Што ти беше најинтересно на обуката, а што беше најголем предизвик да се совлада?

Реално пријателскиот..да не речам колегијален однос ми беше супер, што беше и реално причина за запишување на овај курс…како и знаењето дека предавачот има искуство во поглед на архитектура како и работа со софтверот. Одамна сакав да слушам курс но не се осудив баш заради тие формални курсеви од кои знам дека немаше да има некаков исход. Предизвик беше општо целиот програм на почетокот, но некоја посебна тежина не осетив(можеби дека сепак имам искуство со други софтвери и совладано ми е снаоѓањето во 3д просторот). Секој час имаше доволен број на информации, но сепак останувањето пред компјутер секој ден и индивидуалното вежбање ми ги олесна работите. Реално, си ги надминав очекувањата со исходот од крајот од обуката…

Омилени архитекти (домашни и странски)?

Oscar Niemeyer од легендите… Santiago Calatrava, Renzo Piano, Ben van Berkel..од домашните Георги Константиновски-Сè уште на врвот