,,Дури и кога го поминувам времето на социјалните мрежи, преферирам да гледам содржина која што би ме испровоцирала позитивно и би ме мотивирала да научам нешто повеќе.” – Интервју со Ева Ставрева

Интервју со Ева ставрева

Кажи ни нешто повеќе за себе, со што се занимаваш, кои се твоите интереси?

Студентка сум по Архитектура, 4та година, учам во Софија. Имам многу различни интереси, сите се поврзани со изразување на мојата креативност. Во слободно време цртам чашки 🙂 Се занимавам и со онлајн маркетинг на наша продавница. Постојано сакам да правам нешто ново и да ги остварувам моите нови идеи.

Што те мотивира да учиш постојано?

Дури и кога го поминувам времето на социјалните мрежи, преферирам да гледам содржина која што би ме испровоцирала позитивно и би ме мотивирала да научам нешто повеќе. Следам профили од различни сфери, како вашиот, каде што се објавува креативна и едукативна содржина. Секогаш знам, дека можам подобро, па така сум отворена да учам нови нешта.

Зошто го одбра Photoshop?

Затоа што веќе чувствувам потреба да можам да ги презентирам моите проекти на попрофесионално ниво. Наскоро, би сакала да аплицирам за пракса/работа, каде што ќе имам потреба од подготвување на портфолио.Мислам дека ја избрав обуката во прав момент 🙂

На кој друг начин се едуцираш и го надополнуваш твоето знаење во полето на архитектурата?

Посетувам саеми, изложби, собирам архитектонски списанија, кои што ги разгледувам во слободно време. Pinterest, ArchDaily, Dezeen ми се омилените платформи, таму се информирам и инспирирам. Како што спомнав, следам повеќе профили како вашиот, каде исто има едукативна содржина. Разменувам мислења со колеги…Не се скратувам да прашам што и да ме интересира и така учам нови работи.

Што ти беше најинтересно на обуката, а што беше најголем предизвик да се совлада?

Освен тоа што требаше да се научат две нови програми, голем предизвик беше да покажеме навистина кој е нашиот стил на претставување на проектите, независно дали на панел или во портфолио и на тој начин да се претставиме во најдобро светло, испробувајќи ги новите алатки. Интересно е дека Сара, е многу отворена со нас и освен што е овде да ни ја спроведе обуката, споделува + и – од нејзино искуство.

Омилени архитекти (домашни и странски)?

Zaha Hadid, Philip Johnson

запиши се на 10 дневна обука за архитектонски цртеж со користење на Photoshop и изработка на архитектонско портфолио