,,Отсекогаш и се восхитував на архитектурата и бев одлучна во тоа што сакам да биде мојата идна професија.” – Интервју со Деспина Јулоска

Интервју со деспина јулоска

Кажи ни нешто повеќе за себе, со што се занимаваш, кои се твоите интереси?

Отсекогаш и се восхитував на архитектурата и бев одлучна во тоа што сакам да биде мојата идна професија. Јас сум студент на Архитектонски Факултет – Скопје, трета година. Моите архитектонски студии ги започнав уште од средно образование. Ме интересира секој детал на архитектурата. Внатрешниот дизајн ми го привлече вниманието и планирам да ги надградувам моите знаења во таа насока.

Што те мотивира да учиш постојано?

Мојата желба да станам добар архитект. Неколку фактори ме мотивираат. Најголемиот извор на енергија за учење и работа го црпам од желбата да создадам одличен проект, и искуството и знаењето што ќе ги стекнам во процесот. Секако, не секогаш може да се одржи тој висок ентузијазам, и во такви случаеви мотивирана сум од завршување со предметите и успехот кој сакам да го постигнам.

Зошто го одбра 3ds max + Vray?

Бев мотивирана да се пријавам за оваа обука гледајќи ги реалистичните рендери кои можат да се изведат со 3ds max+vray. Исто така сакам да ги искористам вештините што ги научив благодарение на вашиот тим и оваа обука за проектите поврзани со факултетот, како и за тие што ме чекаат во иднина.

На кој друг начин се едуцираш и го надополнуваш твоето знаење во полето на архитектурата?

Покрај факултетот, посетувам обуки, настани поврзани со архитектурата, и самостојно се трудам околу моето знаење. Многу корисно е да се одржува и учествува во социјален круг од колеги или пријатели, каде што цело време се споделуваат интересни артикли од архитектонски проекти, слики, корисни книги, блогови, документарски филмови за историјата на архитектурата и др. Во таа околност, покрај тоа што го сработувам своето истражување, истото го споделувам со заинтересирани колеги, од кои за возврат добивам фасцинантни едукативни материјали.

Што ти беше најинтересно на обуката, а што беше најголем предизвик да се совлада?

Предизвик беше самиот софтвер, но обуката тоа го направи да изгледа полесно и успешно да се совладаат работите. Бев пријатно изненадена од можностите што 3ds max + vray ги нуди, како способноста за генерирање реалистични рендери. Програмата беше предизвик сама по себе, почетното привикнување на работа со софтверот, но брзо ја совладав таа препрека благодарение на обуката.

Омилени архитекти (домашни и странски)?

Георги Константиновски, Антони Гауди, Заха Хадид, Лина Бо Барди, Френк Лојд Рајт