Интервју со Борјана арсеновска
Кажи ни нешто повеќе за себе, со што се занимаваш, кои се твоите интереси?
Се занимавам со дизајн на мебел и ентериер како и графичкиот дизајн. Интерес ми претставуваат разни видови на уметност, почнувајќи од архитектурата, па се до сликарстово.
Што те мотивира да учиш постојано?
Сметам дека сопственото надоградување е еден од клучните моменти за успех. Особено за оваа професија, секојдневното учење е многу важен фактор за создавање нешто ново. Она што постојано ме тера да учам нови работи и да се надоградувам е постојаното развивање на архитектурата и доаѓањето на новите трендови.
Зошто го одбра 3ds max + vray?
Го одбрав 3ds max + vray затоа што сметам дека е најбаран и доста актуелен софтвер за дизајнирање на ентериерите и усовршување на проектите. Плус голем дел од архитектонските студиа го бараат токму овој софтвер.
На кој друг начин се едуцираш и го надополнуваш твоето знаење во полето на архитектурата?
Постојано следам нови трендови во полето на архитектурата и дизајнот, но и секогаш се осврнувам на класиката и старите вредности.
Што ти беше најинтересно на обуката, а што беше најголем предизвик да се совлада?
Најинтересно беше правењето на секој нов пореалистичен рендер, особено на рендерите од ентериер. На почетокот најголем предизвик ми беше поставувањето и комбинирањето на материјалите, но со текот на обуката и понатамошното работење многу брзо го совладав и тој дел од софтверот.
Омилени архитекти (домашни и странски)?
Антони Гауди и неговата налудничава креативност. И се разбира Живко Поповски.
