Датум на одржување : 9ти Јуни 2023
Локација : Europe House Skopje
Време на одржување: 18-22 часот
Тип на настан: Презентација и дискусија
Број на места: 60
Манифесто на настанот
,,Нашиот град низ минатите години созрева во различни правци кои не секогаш можеме да ги контролираме. Опсервацијата на процесите кои се случуваат и документација на истите е активност која што е природна за секој архитект. Актeрите во овие процеси се различни, но архитеките имаат клучно влијание и значење во истите. Треба да имаме разбирање за оваа еволуција во која сите имаме улога, но истовремено треба да бидеме и критични, како и да препознаеме добри и ретки примери на надеж.”
предавачи
Симон Папеш а архитект и дизајнер, моментално вработен во архитектонската компанија Воларт, каде е партнер и ко-основач. Своето стручно образование го завршува на Архитектонскиот факултет при УКИМ во Скопје (дипломски студии) и Архитектонскиот факултет при Универзитетот во Загреб (магистерски студии). Со желба за висок дизајн и современа архитектура, од 2016-2021 работи во неколку приватни архитектонски студија во Скопје, каде стекнува
градежно искуство во областа на архитектурата и внатрешниот дизајн. Во 2021 ја ко-основа компанијата Воларт, со која делува и е потписник на бројни проекти изминативе 2 години. Неговиот проектантски акцент во моментов е ставен на станбени куќи и станбени згради како и станбени ентериери. Во своите проекти настојува да ги сублимира условите на клиентот, на урбанизмот, како и на контекстот, во некомпромисно, современо и функционално архитектонско дело со
субјективен градежен израз.
Ангела Петровска е магистер инженер архитект со завршени студии при универзитетот Politecnico di Milano, отсек Architecture and Urban Design, со претходно образование при Архитектонскиот Факултет-Скопје. Нејзината магистерска теза дава фокус на центарот на Скопје и ја обработува темата на Идни модели на домување; Како ќе живееме заедно во Скопје? (Future housing models; How will we live together in Skopje?), каде преку детална историска анализа и анализа на моменталната состојба на блокот Ц08 се стигнува до краен редизајн на просторот до ниво на станбена единица. Преку својот труд цели да покаже дека градот повторно може да стане релевантен на светската архитектонска сцена и да добие нови модели на живеење и домување посебно во кревкото урбано ткиво на големиот ринг. Моментално е ангажирана како архитект во проектантското биро Biro 60B.
Бесиан Мехмети е основач на Студио BMA. BMA е креативен центар отворен за млади и посветени архитекти и дизајнери кои се подготвени да откријат нови можности. Соработката со други архитекти, инженери, уметници и други професионалци ни помогна да се стремиме да ја прошириме нашата перспектива и да генерираме нови дизајнерски парадигми. Нашиот спектар на работа допира до областите на архитектурата, дизајнот и урбанизмот. Проектираме јавни и станбени згради, комерцијални и јавни простори, културни и образовни објекти, урбанистички планови и ентериери, мебел и производи. Развојот на моќни и иновативни концепти за дизајн усогласени со техничко владеење и супериорна услуга на клиентите отсекогаш била движечката сила зад секој проект. Преку внимателна интеграција на иновации и експерименти, нови форми и перформанси, контекст и одржлива архитектура, поттикнуваме да произведуваме работа што има моќ да влијае на граѓанскиот живот и да ги инспирира луѓето да го подобрат нашиот свет.
Наталија е архитект, специализирана во Проект Менаџмент.
Во нејзиното професионално искуство, таа работеше во Катар каде беше бренч менаџер на италијанската фирма за архитектура и дизајн – GAA.
Преку нејзината работа во Катар се стекнува со интернационално искуство во многу различни области како дизајн на Комерцијални проекти, Хотели, Резиденцијални проекти итн.
Особен интерес има во одржлив дизајн и после работата на проект кој е сертифициран со LEED Platinum се стекнува со акредитацијата LEED GA.,
Бојан Тасев е архитект и ко-основач на студиото за архитекутра и дизајн АТТИКА Архитекти. Своето стручно образование го стекнува на Архитектонски факултет при УКИМ во Скопје. После завршување на студии работи во архитектонско студио од Скопје каде се стекнува со практично искуство. Во 2014 го ко-основа АТТИКА Архитекти.
АТТИКА Архитекти е студио за архитектура и дизајн од Скопје формирано со цел развој на архитектурата во државата и поместување на границите во поглед на мисла, процес, дизајн и комуникација. Работи на проектирање на станбено-деловни згради, приватни и јавни објекти, дизјан на ентериери па се до урбанистички целини. Со својот карактеристичен јазик во организација , дизајн и концепт главен белег остава во станбената архитектура во Скопје каде има реализирано значителен број проекти за кои има добиено и номинации од престижната награда за модерна архитектура EU Mies van der Rohe Award во 2019 и 2022 година.
Сара Симоска е архитект со Магистерски студии на универзитетот Politecnico di Milano во 2016та и додипломски студии на Архитектонскиот Факултет во Скопје.
Сара е ко-основач на МЕЛЕЕМ Скопје, организација на млади архитекти, која што организира низа на настани, работилници, обуки и друго за младите архитекти на теми поврзани со архитектурата, урбанизмот и посебен фокус на јавните простори.
Сара е исто така основач на своето студио Сара Симоска Архитектура со кое има работено на интернационални конкурси за архитектура, ентериери на домови и ресторани и дизајн на мебел.
Анастасија Ристеска, Доган Чорба, Горазд Тасевски и Наташа Димова се студенти на Архитектонскиот Факултет во Скопје и тие земаа дел од работилницата MOOD Workshop организирана од МЕЛЕЕМ Скопје во 2021 година.
Христијан e архитект и ко-основач на APК. Дипломиран на Архитектонскиот факултет при УКИМ во Скопје каде е и дирекно вклучен како надворешен соработник и демонстратор. Во самите факултетски денови е вклучен во многубројни конкурси. Професиналната пракса ја започнува во ДСЦ ,Иванов и БМА. Во меѓувреме работи на најразлични конкретни проекти, но и паралено се занимава со меѓународни конкурси.
Идејата за конкрено студио т.е. работилница е актуелизирана пред неколку години, но реализирана 2023. АРК е работилница која освен архитектонската дејноста како таква има и повисока инстанца односно реобмислување на професијата архитект, предизвиците на модерното општество, технологијата,… не како препрека туку соодветно одговарање со модерните концепти.